ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ខេត្តសៀមរាបនឹងរៀបចំប្រណាំងទូក «ង» ក្នុងឱកាសព្រះរាជពិធីបុណ្យអុំទូក ដើម្បីជាការលើកស្ទួយវប្បធម៌ជាតិ

  • ចុះផ្សាយថ្ងៃទី២៣ ខែតុលា ឆ្នាំ២០២៣ ម៉ោង ១១:០៧ នាទី ដោយ EAC News
  • 1594
  Aa |   aA

សៀមរាប៖ រដ្ឋបាលខេត្តសៀមរាបនឹងរៀបចំពិធីប្រណាំងទូក «ង» តាមបណ្តោយដងស្ទឹងសៀមរាបចាប់ពីថ្ងៃទី២៦ រហូតដល់ថ្ងៃទី២៧ ខែវិច្ឆិកា ឆ្នាំ២០២៣ខាងមុខ ក្នុងបំណងលើកស្ទួយវប្បធម៌ទំនៀម ទម្លាប់ប្រពៃណីជាតិ។

សេចក្តីជូនដំណឹងរបស់រដ្ឋបាលខេត្តសៀមរាបនាថ្ងៃទី២០ ខែតុលា ឆ្នាំ២០២៣ បានឱ្យដឹងថា ដើម្បីចូលរួមអបអរសាទរក្នុងឱកាស ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ខេត្តសៀមរាប ចាប់ពីថ្ងៃទី២៦ រហូតដល់ថ្ងៃទី២៧ ខែវិច្ឆិកា ឆ្នាំ២០២៣ខាងមុខ ក្នុងបំណងលើកស្ទួយវប្បធម៌ទំនៀម ទម្លាប់ប្រពៃណីជាតិក៏ដូចជាការផ្សព្វផ្សាយ ទាក់ទាញភ្ញៀវទេសចរជាតិ អន្តរជាតិ ឱ្យចូលមកទស្សនាប្រាង្គប្រាសាទ និងរមណីយដ្ឋាននានាក្នុងខេត្តឱ្យកាន់តែច្រើនកុះករនោះ រដ្ឋបាលខេត្តសៀមរាបនឹងរៀបចំពិធីប្រណាំងទូក «ង» តាមបណ្តោយដងស្ទឹងសៀមរាប ពីស្ពានថ្មមន្ទីរទេសចរណ៍ចាស់ដល់ស្ពានថ្មវត្តព្រះរាជបូព៌។

ជាមួយគ្នានេះ រដ្ឋបាលខេត្តសៀមរាបក៏បានជូនដំណឹងពីការដាក់ពាក្យ និងទទួលពាក្យសុំចូលរួមប្រណាំងទូក «ង» ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុកខេត្តសៀមរាប ដល់ប្រជាពលរដ្ឋ ដែលមានបំណងយកទូក «ង» មកចូលរួមប្រណាំងអាចមកទទួលយកពាក្យ និងដាក់ពាក្យសុំចូលរួមប្រណាំងទូកពីក្រុមការងាររបស់អនុគណៈកម្មការបច្ចេកទេស នៅទីចាត់ការគ្រប់គ្រងធនធានមនុស្សសាលាខេត្តសៀមរាប។

រដ្ឋបាលខេត្តសៀមរាប មានក្តីសង្ឃឹម និងជឿជាក់យ៉ាងមុតមាំថា ប្រជាពលរដ្ឋទាំងអស់នឹងចូលរួមទស្សនាកម្សាន្តសប្បាយរីករាយឱ្យបានយ៉ាងអធិកអធម ដើម្បីជាការលើកស្ទួយវប្បធម៌ ទំនៀមទម្លាប់ ប្រពៃណី ជាតិឱ្យបានថ្កុំថ្កើង គង់វង្ស ស្ថិតស្ថេររហូតតរៀងទៅ៕


ព័ត៌មានជាច្រើនទៀតសម្រាប់អ្នក